凍冰冰就要食麻辣串串火鍋🌶️
天氣又凍返，貼暖包都仲係會打冷陣🥶睇嚟真係要食返啲辣嘢熱嘢先得！🍲尖沙咀依間川婆婆，佢新開張嘅時候Hatty已經bookmark咗，今次終於都去食啦！😛
上網做晒資料蒐集，有預先打電話去訂枱，訂枱嘅時候店員都有講返7點後嘅booking好full，如果想坐得鬆動啲可以揀5-6點依段時間嚟食！😆(最後我哋book咗6點鐘😛
❣️Set B 新鮮農場靚牛串串套餐❣️ $328/位
有3個set可供選擇，考慮到係食100分鐘，所以揀咗中價位嘅套餐😝！依個套餐包牛頸脊/牛小排/SRF和牛肉眼邊 （3選1)＋時令海鮮，仲會送雞煲添！
2
🧡雞煲🧡
2位送半隻，3-4位送一隻🐥份量十足，味道香辣惹味，雞肉都好嫩滑呀！
💜️鴛鴦雙拼鍋💜 +$30
又想食辣又想養生？嗌返個鴛鴦雙拼鍋啦！今次揀咗茶底麻辣鍋配養生菌王雞湯🍲麻辣之餘帶點茶味，難怪唔會油膩！🍵另外嘅養生菌王雞湯用料十足，菇菇嘅份量比想像中多！🍄鴛鴦鍋，一紅一白 一濃一清😆按自己喜好揀啦！😏
🤍自助區🤍 任食
自助區有串串同埋一碗碗嘅火鍋配料，都係任拎任食嘅！一場嚟到又點可以唔食多幾串喎！🍢鳳爪、香菜牛肉、爆汁牛丸、羊肉串都超級推薦大家encore！鍾意食香菜嘅朋友仔，一定知香菜牛肉依2樣結合嘅滋味嘅！🤤肉類串串我主要浸喺紅湯，咁樣食就更鮮更香啦！
火鍋配料方面就拎咗幾碗鵝腸，新鮮又爽口，令人上癮呀！
❤️牛頸脊/牛小排/SRF和牛肉眼邊❤️ 跟餐
肉肉都好新鮮，厚度足夠🥩最鍾意牛頸脊，脂肪分布平均，有咬口有肉味！
💙海鮮拼盤💙 跟餐
海鮮有鮑魚、蜆、大蝦，每樣都好新鮮！用嚟打邊爐或者燒烤都得！🔥個人鍾意燒海鮮，又香又有風味，原汁原味都好好味！🦐
🖤飲品🖤 任飲
雪櫃入邊有好多樽裝同埋罐裝飲品，款式多幾多呀！
餐廳嘅環境唔算好大，但係佢自助區嘅選擇都好多，而且refill速度好快🤤唔使驚會錯過美食！臨走前，仲可以喺呢度打卡添！外牆搶眼又可愛，絕對係打卡位呀！🥰BTW記得save post，方便向店員查詢有關套餐啦❣
📍川婆婆
📍尖沙咀寶勒巷26-36號地舖
