禾牛薈火煱館 (金馬倫道)

營業中

休息中

今日去咗尖沙咀嘅禾牛薈火鍋館打邊爐，佢有好多特色牛嘅部位食，又有其他特色嘅火鍋配料，所以我成日都會同屋企人嚟依度打邊爐食飯🤗推薦俾大家以下呢幾樣嘢食，｛游水蝦｝好大隻，上枱時隻蝦仲會跳跳吓，可想言之係幾新鮮🌊｛白鱔片｝充滿光澤，每片都切得厚薄適中，肉質爽口，淥一陣就食得😋｛牛胸爽｝唔知大家有冇食過，佢係牛嘅脂肪，有好多嘅骨膠原，爽爽脆脆～雖然油脂多，但絕對唔會好肥膩🤤佢哋嘅湯底都好足料，｛健脾養顏椰子雞湯｝清香，有好多粟米、海底椰同雞肉，味道好自然，無落味精十分養生🤩記得要沾埋餐廳自製嘅瑤柱XO醬，會令每樣嘢食嘅味道更有層次，一定要沾呀！