更多
2019-08-14
1289 瀏覽
收工同同事去happy hour,就黎尖沙咀酒吧林立既赫道。搵到呢間裝修充滿英倫風既酒吧餐廳,二話不說就同朋友入去。果然入面裝修都好有英國既感覺。而且星期三晚黎講呢度都幾爆場。首先叫左兩杯cocktail,名字非常特別,分別係Argue($128),同埋Broke Up($138)。跟住就叫左兩個前菜同一個主菜。63度溫泉蛋八爪魚鷹嘴豆黃車厘茄冰菜沙律配日式芝麻汁($148)冰菜夠曬爽脆冰涼,好開胃,配上滑溜既半熟蛋口感一流。仲有好多鷹嘴豆同黃車厘茄,當然唔少的彈牙既八爪魚。墨西哥香辣牛肉芝士焗粟米片($98)份量可以揀Bite($98)或著Full($138)。份量係二人份同四人份既分別。我地就揀左二人份。係一塊塊脆口既粟米片配酸忌廉、牛油梨醬同番茄莎莎,仲有少少免治牛肉碎。係我超鍾意既下酒小食。焗黃金原隻龍蝦意大利飯($308)個意大利飯係配法扁豆同粟米蓉,夠creamy,飯粒熟度係典型意大利飯既軟硬度,都係比較硬身。龍蝦焗完之後比較乾身,但依然離殼,配鹹蛋黃風味非凡。呢度夜晚9:30開始有live band表演,可以聽日要返工,如果唔係都想留係度欣賞埋。
果然入面裝修都好有英國既感覺。 而且星期三晚黎講呢度都幾爆場。
首先叫左兩杯cocktail,名字非常特別,分別係Argue($128),
同埋Broke Up($138)。
跟住就叫左兩個前菜同一個主菜。
63度溫泉蛋八爪魚鷹嘴豆黃車厘茄冰菜沙律配日式芝麻汁($148)
冰菜夠曬爽脆冰涼,好開胃,配上滑溜既半熟蛋口感一流。仲有好多鷹嘴豆同黃車厘茄,當然唔少的彈牙既八爪魚。
墨西哥香辣牛肉芝士焗粟米片($98)
份量可以揀Bite($98)或著Full($138)。份量係二人份同四人份既分別。我地就揀左二人份。係一塊塊脆口既粟米片配酸忌廉、牛油梨醬同番茄莎莎,仲有少少免治牛肉碎。係我超鍾意既下酒小食。
焗黃金原隻龍蝦意大利飯($308)
個意大利飯係配法扁豆同粟米蓉,夠creamy,飯粒熟度係典型意大利飯既軟硬度,都係比較硬身。 龍蝦焗完之後比較乾身,但依然離殼,配鹹蛋黃風味非凡。
呢度夜晚9:30開始有live band表演,可以聽日要返工,如果唔係都想留係度欣賞埋。
張貼