啤啤Bear韓國包車 (已結業)

Happy Friday黎左依間係諾士佛台樓上既超人氣韓式餐廳開心一下！一開lift已經見到餐廳門口精緻活力既裝飾，好似隨意門咁一瞬間到左韓國，門口有隻超大隻勁得意既公仔，絕對係一個打卡位呀！餐廳整個氛圍都係年輕活力，播放住流行的Kpop音樂，配合埋燈光及裝潢，一入到餐廳已經有種開心的感覺。Happy Friday當然要飲返杯啦，男朋友就叫左韓國特色的燒啤，即係燒酒溝啤酒，酒量唔好既朋友要小心呢xd我就叫左杯First Crush, 係韓式調酒黎，顏色呈迷人既粉紅色，少少似平時飲開的margarita,飲落甜甜地都幾好飲架！Butter X Garlic 無骨炸雞配脆脆薯格炸雞既size夠晒大件，份量亦都唔少。食落外脆內嫩，依舊保留到肉汁唔會令雞肉變得鞋。點埋岩鹽香蒜牛油醬更加惹味！而薯格亦炸得好好食呢！黑松露鐵板芝士炸醬拉麵超邪惡嘅一道主食，滿滿的芝士配上炸醬麵，仲有一隻太陽蛋麵條煙煙韌韌夠晒彈牙，撈埋芝士食非常之邪惡呀！芝士香味濃郁，仲會有拉絲嘅效果呢！