慈素小聚

營業中

休息中

呢個朋友逢初一十五都系茹素，今日跟佢嚟到呢間位於尖沙咀Mody House 嘅慈素小聚，試下素食嘅新選擇。香芒天婦羅炸豆腐外脆內嫩，加上香芒嘅甜味，食落幾有新鮮感。北京片皮鴨雖然係素食，但味道唔錯，皮脆，配上薄餅同甜醬，仲有啲意外驚喜。印度風味咖哩配手抓餅香料味好濃，手抓餅有嚼頭，味道幾夠。日式芥辣風味嘅蝴蝶蝦，口感同味道都好似蝦，刷新我對素食嘅新體驗。花生咸蛋湯圓有啲特別，花生醬配咸蛋原來都幾match，好食。飲品方面，百香芒果烏龍茶清新解渴，果味適中；胚芽奶茶順滑，奶香濃郁，幾吸引。總體嚟講，慈素小聚係一個唔錯嘅選擇，特別係想試下素食但又唔想放棄味道，呢度絕對值得一試。