更多
2020-04-17
1225 瀏覽
疫情肆虐，全球多國封城，有長假都冇得離港抖下氣，唯有繼續留港避疫。假期前夕社交平台彈出昔日首爾既出遊相，心癮即刻發作想去食下韓國餐。就去左公司附近既韓國街搵下OPPA～韓國餐中除左最愛既燒肉，輕食少少既選擇我特別鍾意叫炸雞件送啤酒、牛骨湯、含微辣泡菜既菜式，真係越食越開胃。呢度既炸雞口味配搭多，原味、甜辣、卡邦拿、蒜香、蜜糖牛油，我揀左醬油無骨方便食。外層炸漿香口輕脆，夾帶惹味醬油既雞件，咬開熱騰騰，肉質嫩滑冇粗鞋感。雞件切割剛好接近一口size，唔會食到成口油膩膩，開心share兩人點半份岩晒，留肚叫個招牌熔岩飯。勁like佢地呢款伴泡菜芝士既熔岩飯，真係有得睇又滋味。用上一個黑鐵板置放混有微辣甜香既泡菜伴飯，店員會先送到客人面前，手上準備好火槍同芝士及一壺蛋汁。先圍繞飯團邊旁既鐵板打圈注入濃郁既蛋汁，再係飯團頂部加入大量芝士碎條，開火後用熟練既手勢向芝士條加熱燒灼，芝士遇熱慢慢變軟成好似熔岩漿散開，藍色既火艷發出逢逢聲吞噬整個飯團，香飄撲鼻。最後一步還要快速攪拌食材，飯團沾上均勻既芝士，提起拉成絲絲狀超吸引，重覆動作兩三次大功告成可以享用。味道入口充滿芝蛋香及泡菜微辣既合成效果，飯
假期前夕社交平台彈出昔日首爾既出遊相，心癮即刻發作想去食下韓國餐。
就去左公司附近既韓國街搵下OPPA～
韓國餐中除左最愛既燒肉，輕食少少既選擇我特別鍾意叫炸雞件送啤酒、牛骨湯、含微辣泡菜既菜式，真係越食越開胃。
呢度既炸雞口味配搭多，原味、甜辣、卡邦拿、蒜香、蜜糖牛油，我揀左醬油無骨方便食。
外層炸漿香口輕脆，夾帶惹味醬油既雞件，咬開熱騰騰，肉質嫩滑冇粗鞋感。雞件切割剛好接近一口size，唔會食到成口油膩膩，開心share兩人點半份岩晒，留肚叫個招牌熔岩飯。
勁like佢地呢款伴泡菜芝士既熔岩飯，真係有得睇又滋味。用上一個黑鐵板置放混有微辣甜香既泡菜伴飯，店員會先送到客人面前，手上準備好火槍同芝士及一壺蛋汁。
先圍繞飯團邊旁既鐵板打圈注入濃郁既蛋汁，再係飯團頂部加入大量芝士碎條，開火後用熟練既手勢向芝士條加熱燒灼，芝士遇熱慢慢變軟成好似熔岩漿散開，藍色既火艷發出逢逢聲吞噬整個飯團，香飄撲鼻。最後一步還要快速攪拌食材，飯團沾上均勻既芝士，提起拉成絲絲狀超吸引，重覆動作兩三次大功告成可以享用。
味道入口充滿芝蛋香及泡菜微辣既合成效果，飯粒略有少少焦香及丁丁脆，纏綿濃濃芝士醬既一口飯，吃落更加有層次感。
濃口既食物之後，點返個牛肋骨粉絲湯可以有助減腻清下口感。牛肋骨湯湯頭色澤清澈相對鮮甜美味，沒有大醬湯果份嗆喉濃辣霸氣感，牛肋肉軟淋脂肪少，輕力咀嚼便跟骨骼分離。湯面加入葱花碎味道更能提鮮，底部還有晶瑩既韓式粉絲吃，吸湯力一流又彈牙。
張貼
