真鮨 (已結業)

好耐無食過日本菜，金巴利道原來開左一間新餐廳，我未試過，見唔太貴，咁今晚就揀佢啦，對自己好啲，生活有意義。門面和地方唔大但設計不遜，樓底高無壓迫感。牆上寫了每日日本直送的新鮮海鮮，要了魴鮄魚刺身，挺身的白身魚點酸汁食相對清新 ，鮮磨的山葵豉油食就鮮味倍增。把目光慢慢移到閃閃令的魚肉身，咀嚼黏稠的魚肉，口中盡留下細又香的油脂，當中的鮮味，乃難用筆墨去形容。魴鮄魚魚頭亦不浪費，一魚兩食，還滾了海帶豆腐魚湯，甜甜咸咸地，量大份，飲完身體變和暖。浜燒海鮮要了帆立貝及蟶子，前者肉很大，香噴噴，蔥調味，有啖啖鮮味。後者有嚼勁和彈性，也用蔥同蟹籽煮理裝飾，讓大家極滿足。邪惡的甲羅燒，係由蟹羔蟹籽蟹肉三種組成，乃是溶黏化不開又有卜卜爽脆的感覺，有加蔥段，使其濃厚也未致咸。蟹控姐姐不怕三高，豪邁要開動品嚐了。