山本屋係lcx入邊一間食烏冬嘅舖頭，裝修似日式小店，價錢大約100幾蚊一份，有湯烏冬同平烏冬揀。叫左咖哩吉烈豬扒烏冬（要加10），同鰹魚湯底牛肉鳥冬。我地被安排坐海景位，望住維港景食野，特別心曠神怡，落完單後職員仲送左包紙巾。
烏冬用瓦煲上，上碟嘅時候都仲滾緊，熱辣辣，烏冬入面有一隻半熟蛋，蔥，腐皮。吉烈豬扒沒咩肉味，唔係肥瘦均勻，炸粉沒同肉分離。咖哩係日式甜咖哩，味道唔濃郁，鳥冬唔知係咪滾得耐左，沒咩彈性，大力夾都會斷，鳥冬形狀凹凸不平唔似平時超市買到個d急凍烏冬咁，整條形狀好一致，想食有d咬口烏冬嘅朋友就可能滿足唔到你地啦。
牛肉湯烏冬嘅牛肉有3-4塊唔肥嘅牛肉，食落唔韌，鰹魚湯底混埋左d牛肉汁都幾好味。
食物質素都係普通，加埋一270幾蚊，有aeon jcb卡有8折，但坐得舒適，又有維港景加左唔少分。
1
