影片
更多
2023-01-29
21 瀏覽
•尖沙咀泰濃麵•想起尖沙咀食泰國船麵，我一定會介紹樂道既泰濃麵，因為佢既船麵湯底係99%接近泰國味。麵類小食飲品都非常泰式，價錢黎講中中正正，尖沙咀合理價，平日晚上去食都大排長龍。我每次去食都會選安格斯牛肉船麵金邊粉，佢既金邊粉好索汁，牛肉是真的安格斯，係食得出而唔係得個名。佢仲配有炸豬皮起面，完全無豬羶味，湯汁滲透後更是一流！朋友唔好重口味，選左清湯底，話係清湯但都好鮮甜下，豚肉好爽脆，仲大大片，選邊款湯底都會配返泰國魚蛋，蘿蔔，令到個成碗麵都特別豐盛！另外仲叫左份雞翼，真係必食，雞翼大大隻，炸到金黃色，外脆內軟，超juicy，一份4隻，正！叫埋特飲龍眼冰同青檸梳打，成個晚餐完美哂。去開尖沙咀樂道一定會諗起泰濃麵，每次都唔會令你失望！
想起尖沙咀食泰國船麵，我一定會介紹樂道既泰濃麵，因為佢既船麵湯底係99%接近泰國味。麵類小食飲品都非常泰式，價錢黎講中中正正，尖沙咀合理價，平日晚上去食都大排長龍。
我每次去食都會選安格斯牛肉船麵金邊粉，佢既金邊粉好索汁，牛肉是真的安格斯，係食得出而唔係得個名。佢仲配有炸豬皮起面，完全無豬羶味，湯汁滲透後更是一流！
朋友唔好重口味，選左清湯底，話係清湯但都好鮮甜下，豚肉好爽脆，仲大大片，選邊款湯底都會配返泰國魚蛋，蘿蔔，令到個成碗麵都特別豐盛！
另外仲叫左份雞翼，真係必食，雞翼大大隻，炸到金黃色，外脆內軟，超juicy，一份4隻，正！叫埋特飲龍眼冰同青檸梳打，成個晚餐完美哂。
去開尖沙咀樂道一定會諗起泰濃麵，每次都唔會令你失望！
張貼
