-
首先前菜特製宮崎牛他他配芝士及法包真係令人眼前一亮，鮮甜嘅宮崎牛他他，上面鋪滿濃郁芝士，配上脆身法包，口感層次真係好豐富。而輕涮宮崎牛薄切西冷都好正，輕輕一涮湯汁，牛肉入口即化，鮮味瞬間爆發。
-
跟住落嚟嘅燒肉環節先係重頭戲。燒肉係有「日本一」之稱嘅宮崎牛，宮崎牛油脂分布真係靚到好似雪花咁，薄切牛板腱配日本蛋儀式感十足，將蛋漿均勻包裹牛肉，入口真係好嫩滑。另外特上里脊肉同特上肉眼芯油脂甘香，牛味濃郁得嚟完全唔膩。牛舌芯爽脆彈牙，每一啖都係享受。
-
除咗頂級和牛，套餐仲包括肉質鮮甜嘅海老、原隻肥美嘅帆立貝，以及北海道豚五花肉，豚肉油脂甘香，燒到外皮脆脆哋，一樣咁出色。
-
除此之外，我哋仲加咗$168升級宮崎牛薄牛塊配日本蛋及白飯。將燒到剛好嘅宮崎牛薄塊，蘸滿日本蛋漿再同日本米飯一齊食，果然燒肉係一定要配飯，食完仲想再encore。
-
最後以一碗黑糖珍珠雪糕作結，冰涼香甜，大滿足。
-
2
