B’hood

營業中

休息中

Bookmark咗哩間酒吧好耐，今日終於得閒打卡。成間餐廳裝修得好夢幻，勁多打卡位。晚市都有好多嘢食可以揀，當然一定要叫杯cocktail啦，FD今日唔飲得酒，咁我代她試試啦。Hanakotoba, 真係超靚，好似手捧花咁。飲落酒味唔重，有少少甜味同埋花香，好睇又好飲。經典西班牙蛋餅，每一台都必叫。蛋餅搭配埋4份伴碟，有醃酸菜，茄汁豆，番茄沙沙同沙律醬。蛋餅內容好豐富，食到煙肉，腸仔，青椒，薯仔同芝士。芝士煙肉同蛋餅真係好夾，每一啖都負FULL晒芝士香，好味。全日早餐，配料勁豐富，有煙三文魚，香草豬肉腸，西班牙辣肉腸，黑松露炒蛋，茄汁豆同埋酥皮窩夫等。西班牙辣肉腸唔會好辣，食落好juice，2條完全唔夠食。黑松露炒蛋，黑松露味好重，同炒蛋好夾，全部食晒。焦糖香蕉配酥皮窩夫伴雪糕，焦糖香蕉同窩夫好夾，加埋雲尼拿雪糕一齊食，超好味。哩間餐廳冇bookmark錯，餐廳好啱打卡，嘢食唔錯！