食力點心·雞煲專門店 (已結業)

此店幾乎人人都係食雞煲。礙於去到嘅時候已經夜晚十一點幾，而雞煲只係食到十二點半，諗落食雞煲食得唔耐，不如就爆冷試試佢哋嘅點心，反正食評冇咩人寫過。宵夜點心就只限綠色呢張點心紙上有供應。直接入正題。食得出係疑似翻叮包，包身韌、叉燒餡太削。熱辣辣，好特別，唔發現第二度有得食，入面有隻冬菇，仲有其他餡料，夾埋口感唔錯。口感軟糯，足紅棗味，但係疑似加色。原盆馬拉糕，第二度唔覺有得食，所謂原盆，睇相就知道，佢係一籠就係一底咁蒸法，唔係舊式酒樓嗰種大盆蒸法。非常好味，甜度啱啱好，鬆軟熱辣辣。衰响啲蝦度，腸粉唔夠爽。勝在豉油分開另碟上，唔怕浸住哂。強烈推介，唔似舊區酒樓咁用下欄豬肉造，啖啖鮮味過癮。一眼望哂，冬菇、火腿、魚肚、雞，滾熱辣，唔覺味精，雞又夠滑。