囍源古早蛋糕 (已結業)

近排真係好多古早蛋糕！行過見到深水埗都新開咗間，喺港鐵A2出口直行轉個彎就到！唔同時間有唔同口味，6點去到大概有5-6個口味可以揀。佢地嘅蛋糕少糖少油，仲用咗水浴法去焗，即使放2-3日先食都唔怕！所以最後揀咗3款，買定返屋企之後幾日食。最鍾意流心紅豆味，紅豆蓉唔會太甜，蛋糕好濕潤，好香蛋味！放入雪櫃第2日食可以唔洗叮熱，凍食都好好食！好似甜品！之後有款係喊嘅肉鬆味，上面同中間都有肉鬆，肉鬆味好香！第2日食可以叮20秒，整熱返啲肉鬆味會再香啲。一般好少見有黑芝麻味嘅古早蛋糕！味道有啲似芝麻糊！好特別！而且仲比另外2款大個添！叮熱食芝麻味會更明顯！