極尚大瀛喜日本料理 (已結業)

平時去食放題，有d趕鴨仔同係canteen食飯既感覺，好唔好食重要，但環境同服務質素都可以影響下一次仲會不會幫襯。侍應服務很好，雖然有少少迫（香港係咁ga la)，我地仲有架bb 車，餐廳都好細心安排左個好位置俾我地，等我地食得好安心。呢度放題除左寫單之外，仲有一大部分係落單度無既，而可以係食自助餐咁任你拎呀。日式放題，總有刺身、壽司、牛肉鍋，呢間仲有d好特別既軍艦，食物都係即叫即整/切，所以好新鮮熱辣！睇呢份刺身就知啦，基本上係賣相已經睇得出十分有鮮味，刺身蝦個蝦肉夠晒嫩滑之餘仲有好重鮮甜味呀。仲有冷盤、熱湯、甜品、飲品都係自助形式。冷盤有芝麻八爪魚，有辣味螺肉，都好夠凍好彈牙，絕對比得上一般壽司店既質量刺身都算新鮮，夠凍，肉質都彈牙鮮味甜品有炸榴連既榴連味非常香，而且內裏好軟滑，外層好香脆，正推介呢間咁用心整食物同serve 客人既餐廳！