影片
更多
2023-01-19
717 瀏覽
名代宇奈內備長炭燒鰻魚飯專門店 (iSQUARE)地址: 尖沙咀彌敦道63號iSQUARE國際廣場樓304號舖#yauyau_尖沙咀嗰日喺尖沙咀行到好攰，入咗去iSquare度搵吓位坐，行行下見到呢間餐廳覺得OK就入咗去食啦。🐟🐟鰻魚重（上）$138呢度啲鰻魚都會有用備長炭燒過，食落去好重炭燒味，而且個鰻魚肚都燒到脆卜卜，完全燒晒鰻魚嗰浸油香味出嚟，好啱送飯，如果係鰻魚成癮嘅朋友，可以再叫大啲size嘅鰻魚嚟食，你一定會覺得值回票價，香港好少地方真係會咁有心機，同你燒番熱條鰻魚。呢度另一個讚嘅位係佢鰻魚汁唔會太多，唔會冚過咗佢炭燒出嚟嘅香味。🍖🍖和風牛肉鰻魚丼 $88個鰻魚同上一樣都有用炭燒，味道都差唔多，不過佢嘅和風牛肉有另外用碟上，牛味都好重。🥟🥟明太子炸餃子 $48炸餃子有啲差，佢炸得唔夠脆，而且冇用索油紙，令到成個餃子好多油，上面啲名太子又唔夠味，呢一個小食可以skip。味道: 4.4/5服務: 4/5環境: 4/5番兜: 4.2/5#尖沙咀美食 #美食 #好吃 #instafood #foodstagram #foodphotography #yummy #foodiehk
地址: 尖沙咀彌敦道63號iSQUARE國際廣場樓304號舖
#yauyau_尖沙咀
嗰日喺尖沙咀行到好攰，入咗去iSquare度搵吓位坐，行行下見到呢間餐廳覺得OK就入咗去食啦。
🐟🐟鰻魚重（上）$138
呢度啲鰻魚都會有用備長炭燒過，食落去好重炭燒味，而且個鰻魚肚都燒到脆卜卜，完全燒晒鰻魚嗰浸油香味出嚟，好啱送飯，如果係鰻魚成癮嘅朋友，可以再叫大啲size嘅鰻魚嚟食，你一定會覺得值回票價，香港好少地方真係會咁有心機，同你燒番熱條鰻魚。呢度另一個讚嘅位係佢鰻魚汁唔會太多，唔會冚過咗佢炭燒出嚟嘅香味。
🍖🍖和風牛肉鰻魚丼 $88
個鰻魚同上一樣都有用炭燒，味道都差唔多，不過佢嘅和風牛肉有另外用碟上，牛味都好重。
🥟🥟明太子炸餃子 $48
炸餃子有啲差，佢炸得唔夠脆，而且冇用索油紙，令到成個餃子好多油，上面啲名太子又唔夠味，呢一個小食可以skip。
味道: 4.4/5
服務: 4/5
環境: 4/5
番兜: 4.2/5
#尖沙咀美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #尖沙咀日本菜 #日本菜
張貼
