更多
2020-11-05
442 瀏覽
今日去完粉嶺哥爾夫球場打波，順便喺聯和墟附近食飯，經過見到呢間餐廳酒吧好似幾有特色同幾高級，剛剛門口又可以停到車。佢哋嘅套餐係四個course，$218 起，我相信喺粉嶺區都算係高級幾間餐廳之一，而佢個裝修同埋氣氛都有水準，所以都值返呢個價錢。今次試吓未食過嘅水煮豬手，平時炸豬手、脆皮豬手、焗豬手等都食得多，見到佢有呢個咁特別嘅水煮豬手，便決定試吓。頭盤係清蘑菇湯，呢個湯幾特別我都係第一次飲。清清淡淡但係都好滋味。水煮豬手最好嘅係少油加上唔熱氣，味道又唔會太咸，所以食多啲豬手都冇問題。因為水煮嘅關係，啲肉好林啲肉汁好索味，個豬皮亦減少肥膩感，我都食咗差唔多半份豬手皮，加上酸酸甜甜嘅酸菜，同埋佢哋獨有嘅酸醋汁，令肥膩感覺更減低，可以放肆食多啲。澳洲肉眼扒，燒得幾均勻，火爐控制得幾好，完全做到七成熟嘅情度，令到啲肉更淋，牛肉味更香，有水準。順便嗌左杯特色Mocktail passion ，飲落去亦係酸酸甜甜，完全幫助到減低油膩感覺，同今晚嘅豬手同牛扒好夾。
佢哋嘅套餐係四個course，$218 起，我相信喺粉嶺區都算係高級幾間餐廳之一，而佢個裝修同埋氣氛都有水準，所以都值返呢個價錢。
今次試吓未食過嘅水煮豬手，平時炸豬手、脆皮豬手、焗豬手等都食得多，見到佢有呢個咁特別嘅水煮豬手，便決定試吓。
頭盤係清蘑菇湯，呢個湯幾特別我都係第一次飲。清清淡淡但係都好滋味。
水煮豬手最好嘅係少油加上唔熱氣，味道又唔會太咸，所以食多啲豬手都冇問題。因為水煮嘅關係，啲肉好林啲肉汁好索味，個豬皮亦減少肥膩感，我都食咗差唔多半份豬手皮，加上酸酸甜甜嘅酸菜，同埋佢哋獨有嘅酸醋汁，令肥膩感覺更減低，可以放肆食多啲。
澳洲肉眼扒，燒得幾均勻，火爐控制得幾好，完全做到七成熟嘅情度，令到啲肉更淋，牛肉味更香，有水準。
順便嗌左杯特色Mocktail passion ，飲落去亦係酸酸甜甜，完全幫助到減低油膩感覺，同今晚嘅豬手同牛扒好夾。
張貼
