329
23
4
等級4
158
0
2019-06-01 2554 瀏覽
同個朋友好耐冇見,所以想搵間餐廳靜靜地傾下偈,上網睇見到呢間環境好似唔錯,同埋本身都鍾意食西餐,所以就試下呢間😆一入到去覺得個環境好舒服,大理石紋嘅餐枱 配上灰白色嘅牆身,好有原始自然嘅設計風貌, 加埋牆上面幾幅同pizza有關嘅掛畫做點綴,可以突顯返餐廳嘅主題👍🏻雖然間餐廳主打係pizza,但係今日我同個朋友都叫咗佢啲扒餐 lunch set,而且質素都唔錯🤤首先嚟咗餐湯同埋餐包,係我好鍾意嘅黑松露蘑菇湯,侍應送緊碗湯埋嚟已經聞到黑松露嘅香味, 而個豬仔包外脆內軟,加上裏面暖暖地一搽牛油就溶曬落去裡面,真係好好味去到主菜香烤黑毛豬扒都冇令我失望,肉質又 軟又嫩,食得出好新鮮,加埋少少胡椒同岩鹽 已經夠曬味道。 配菜就有意大利黑醋汁羅馬生菜同埋蕃薯條,廚師畀配菜都幾豪爽,可能見我哋兩個男仔驚我哋唔夠飽。 番薯條甜甜地,比起普通薯條食落感覺冇咁 heavy 冇咁多罪惡感,而廚師都只係輕輕一炸,食落都唔會太熱氣。食完主菜之後,老闆娘好熱情咁樣逐樣甜品介紹俾我哋聽,我哋揀咗 cookies and cream 同埋牛奶拖肥 cheesecake,兩件蛋糕嘅味道都幾濃郁,因為始終係cheese
更多

同個朋友好耐冇見,所以想搵間餐廳靜靜地傾下偈,上網睇見到呢間環境好似唔錯,同埋本身都鍾意食西餐,所以就試下呢間😆

一入到去覺得個環境好舒服,大理石紋嘅餐枱 配上灰白色嘅牆身,好有原始自然嘅設計風貌, 加埋牆上面幾幅同pizza有關嘅掛畫做點綴,可以突顯返餐廳嘅主題👍🏻
46 瀏覽
0 讚好
0 留言

雖然間餐廳主打係pizza,但係今日我同個朋友都叫咗佢啲扒餐 lunch set,而且質素都唔錯🤤

首先嚟咗餐湯同埋餐包,係我好鍾意嘅黑松露蘑菇湯,侍應送緊碗湯埋嚟已經聞到黑松露嘅香味, 而個豬仔包外脆內軟,加上裏面暖暖地一搽牛油就溶曬落去裡面,真係好好味
27 瀏覽
0 讚好
0 留言

去到主菜香烤黑毛豬扒都冇令我失望,肉質又 軟又嫩,食得出好新鮮,加埋少少胡椒同岩鹽 已經夠曬味道。 配菜就有意大利黑醋汁羅馬生菜同埋蕃薯條,廚師畀配菜都幾豪爽,可能見我哋兩個男仔驚我哋唔夠飽。 番薯條甜甜地,比起普通薯條食落感覺冇咁 heavy 冇咁多罪惡感,而廚師都只係輕輕一炸,食落都唔會太熱氣。
35 瀏覽
0 讚好
0 留言
37 瀏覽
0 讚好
0 留言
33 瀏覽
0 讚好
0 留言

食完主菜之後,老闆娘好熱情咁樣逐樣甜品介紹俾我哋聽,我哋揀咗 cookies and cream 同埋牛奶拖肥 cheesecake,兩件蛋糕嘅味道都幾濃郁,因為始終係cheesecake,好彩我哋share食,如果唔係可能會好膩🤣
43 瀏覽
0 讚好
0 留言
37 瀏覽
0 讚好
0 留言

至於餐飲,我就試咗杯荔枝青檸梳打,飲落去味道都幾清新,有埋啲荔枝果肉足見餐廳嘅誠意🥰

總括嚟講呢間餐廳嘅食物質素幾高,而且服務態度都好好,不過舖頭面積唔大,適合三五知己或者情侶一齊嚟輕鬆靜靜地食餐飯😋
46 瀏覽
0 讚好
0 留言
30 瀏覽
0 讚好
0 留言
23 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-06-01
用餐途徑
堂食
用餐時段
午餐