更多
2020-07-27
1057 瀏覽
印象深刻有1）蝦多士 - 蝦鮮味，多士炸得乾身，size岩岩好2）鮑魚酥-鮑味十足，聽講係用吉品鮑，好味過係鮑魚專門店食3）西班牙叉燒 -招牌菜 （其實叉燒好難整得難食）4）鱈魚腸粉 - 貴野係唔同d,魚肉係一塊塊之餘仲要有魚味，成舊腸粉一野啪入口，除左挑剔下腸粉皮之外都冇咩其他野好講5）東坡肉-係高質既，入口個肥膏溶溶地之後配埋個瘦肉加個醬汁，冇得彈（注：要配🍚食）6）牛面肉配蓮子（人地個名改得好靚，但我記唔起😂）通常西餐先叫，中式煮法黎講算幾好，炆得岩岩好（但唔講會以為食緊淋身既牛展）個牛味落哂去個汁度，同東坡肉一樣要配白飯食其他可以慳番既item有xo醬羅白糕（因為係賽馬會都食到e個味）, 荷葉飯唔夠福臨門 好味，龍（帶子）鳳（蝦）燒賣（逸東軒帶子燒賣性價比高好多）同招牌既椰皇花膠湯唔值e個價，杏仁露配鴿蛋唔係我杯茶（佢果隻偏糊狀）總結：天龍軒小菜係好味過點心既，佢既價錢應該係一半比野食，一半環境加service (service黎講可以更好/醒目，例如可以分菜或者主動換碟，不過最估唔到係佢地都好似一般酒樓咁唔記得野，叫左拎碗好耐都冇黎，要叫多一次😂🤔）不過都有主動斟茶既，但若果
2）鮑魚酥-鮑味十足，聽講係用吉品鮑，好味過係鮑魚專門店食
3）西班牙叉燒 -招牌菜 （其實叉燒好難整得難食）
4）鱈魚腸粉 - 貴野係唔同d,魚肉係一塊塊之餘仲要有魚味，成舊腸粉一野啪入口，除左挑剔下腸粉皮之外都冇咩其他野好講
5）東坡肉-係高質既，入口個肥膏溶溶地之後配埋個瘦肉加個醬汁，冇得彈（注：要配🍚食）
6）牛面肉配蓮子（人地個名改得好靚，但我記唔起😂）通常西餐先叫，中式煮法黎講算幾好，炆得岩岩好（但唔講會以為食緊淋身既牛展）個牛味落哂去個汁度，同東坡肉一樣要配白飯食
其他可以慳番既item有xo醬羅白糕（因為係賽馬會都食到e個味）, 荷葉飯唔夠福臨門 好味，龍（帶子）鳳（蝦）燒賣（逸東軒帶子燒賣性價比高好多）同招牌既椰皇花膠湯唔值e個價，杏仁露配鴿蛋唔係我杯茶（佢果隻偏糊狀）
總結：天龍軒小菜係好味過點心既，佢既價錢應該係一半比野食，一半環境加service (service黎講可以更好/醒目，例如可以分菜或者主動換碟，不過最估唔到係佢地都好似一般酒樓咁唔記得野，叫左拎碗好耐都冇黎，要叫多一次😂🤔）不過都有主動斟茶既，但若果用服務同四季比真係差左d
張貼