45
10
6
等級3
57
14
2013-06-13 60 瀏覽
哈哈3年無出食評,太懶了!!專登上返黎因為朋友請大家食左餐好味東東,要表揚一番!! 餐廳開業短短1個月,已經聽聞過此店水準唔錯,仲上埋雜誌添,所以朋友一話請我地黎千鍋居,就滿心期待了啊。餐廳裝修簡潔企理,每枱均設一個電磁爐,仲有卡位可以自成一閣,坐得幾舒服的。大良蟹雞鍋 $278不愧係招牌菜,一上枱就香噴噴而且雞肉嫩滑,雖然蟹唔大隻, 但蟹鉗相當鮮甜入味! 最後加入烏冬,索晒D湯汁超好味啊,一個烏冬實在唔夠喉!!花蛤蒸水蛋 $88自細鐘意食蒸水蛋,但係加入花蛤既水蛋真係第一次食啊! 花蛤鮮甜味完全滲入嫩滑水蛋,簡單美味,係全晚最受大家歡迎既菜式!!醬油碌鵝砵 $148另一招牌菜亦頗受大家歡迎,碌滿秘製醬油既鵝肉非常肥美而且軟腍惹味。椒鹽蝦 $128蝦肉新鮮爽彈配上蒜香椒鹽當然十分美味! 食剩2隻時驚覺碟上既椰樹圖案原來係師傅用醬油畫的!!! 好有心思啊!清湯崩砂腩煲 $148湯極清甜,牛腩非常軟腍且帶脂香,蘿蔔又入味,大家都好驚喜。九制豬手 $88向來唔太鐘意食中式豬手,俾面淺嚐一口haha。豬手炆得軟滑,店員聲稱甜味全來自話梅,絕不額外加糖。個人認為醬汁偏甜,如果酸D可以更開胃美味。
更多
哈哈3年無出食評,太懶了!!

專登上返黎因為朋友請大家食左餐好味東東,要表揚一番!! 餐廳開業短短1個月,已經聽聞過此店水準唔錯,仲上埋雜誌添,所以朋友一話請我地黎千鍋居,就滿心期待了啊。餐廳裝修簡潔企理,每枱均設一個電磁爐,仲有卡位可以自成一閣,坐得幾舒服的。

大良蟹雞鍋 $278
不愧係招牌菜,一上枱就香噴噴而且雞肉嫩滑,雖然蟹唔大隻, 但蟹鉗相當鮮甜入味! 最後加入烏冬,索晒D湯汁超好味啊,一個烏冬實在唔夠喉!!
大良蟹雞鍋
95 瀏覽
0 讚好
0 留言

花蛤蒸水蛋 $88
自細鐘意食蒸水蛋,但係加入花蛤既水蛋真係第一次食啊! 花蛤鮮甜味完全滲入嫩滑水蛋,簡單美味,係全晚最受大家歡迎既菜式!!
花蛤蒸水蛋
89 瀏覽
0 讚好
0 留言

醬油碌鵝砵 $148
另一招牌菜亦頗受大家歡迎,碌滿秘製醬油既鵝肉非常肥美而且軟腍惹味。
醬油碌鵝砵
99 瀏覽
0 讚好
0 留言

椒鹽蝦 $128
蝦肉新鮮爽彈配上蒜香椒鹽當然十分美味! 食剩2隻時驚覺碟上既椰樹圖案原來係師傅用醬油畫的!!! 好有心思啊!
椒鹽蝦
72 瀏覽
0 讚好
0 留言
椒鹽蝦
63 瀏覽
0 讚好
0 留言

清湯崩砂腩煲 $148
湯極清甜,牛腩非常軟腍且帶脂香,蘿蔔又入味,大家都好驚喜。
清湯崩砂腩煲
70 瀏覽
0 讚好
0 留言

九制豬手 $88
向來唔太鐘意食中式豬手,俾面淺嚐一口haha。豬手炆得軟滑,店員聲稱甜味全來自話梅,絕不額外加糖。個人認為醬汁偏甜,如果酸D可以更開胃美味。
九制豬手
66 瀏覽
1 讚好
0 留言
另外仲點左腐乳炒通菜同埋客家煎釀豆腐各$68,味道正常,不錯的。

冰鎮桂花蜜餞蕃茄

大家食飽飽之際,一碟靚靚蕃茄花亮點出埸!! 估唔到店方用冰鎮蕃茄代替一般酒樓送既飯後水果!! 實在太開心了!! 甜美蕃茄配上桂花蜜餞,味道出奇地清新可口,仲可以解滯一番添! 其實店方可以考慮將呢個靚靚蕃茄列入menu上既開胃前菜啊。
冰鎮桂花蜜餞蕃茄
72 瀏覽
1 讚好
0 留言
開心盡興的一夜! 食物味道好,店員有禮,價錢合理,而且餐廳營業至凌晨3點,黎宵夜打邊爐都係不錯既選擇。會重訪的!! 再一次多謝朋友請食飯!! hehehe

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2013-06-08
用餐途徑
堂食
人均消費
$160 (晚餐)
推介美食
大良蟹雞鍋
花蛤蒸水蛋
醬油碌鵝砵
椒鹽蝦
清湯崩砂腩煲