小神燈新派飯館 (已結業)

朋友帶我去調景嶺食飯，估唔到呢度禾稈冚珍珠。呢度以港式懷舊為主題嘅小菜餐廳，整體味道都比較高質。其實地鐵站出黎經商場過黎都只係需要5分鐘左右～ 🥢糯米炒膏蟹果然名不虛傅，皇牌糯米炒膏蟹D 飯做到粒粒分明，口感又帶小小煙靭。再配埋飯焦真係一流~ 而每件蟹都爆晒膏蟹，整個飯滲透濃濃蟹黃蟹肉味道～甘香撲鼻🥢薑蔥焗斑頭腩食到非常有「鑊氣」，夠晒惹味香口，魚肉又夠鮮嫩，真心推薦🥢豉椒炒鵝腸鵝腸好大條，仲以為自己食緊蟶子皇~ 豉汁調味好惹味，入口仲夠晒爽彈🥢金湯海皇豆腐煲豆腐夠晒滑，味道OK