影片
更多
2019-04-27
39 瀏覽
呢間小店非常多人推薦，我見風格同供應嘅食物都係我同朋友鐘意嘅類型，就帶埋佢過來一齊試下。相比起一街都係重口味嘅野，呢度主張清新，間唔中來一兩次當清清腸胃，等腸胃休息下都係好事。menu選擇都幾多，午市入座時都未有人，但坐低冇耐都已經八成滿座，其實呢類小清新風格喺香港都有一定嘅市場。午餐分「一主菜定食」、「二主菜定食」、「三主菜定食」，每份都有餐湯、沙律、白飯/十穀米，價錢係98/128蚊。主菜都分冷盤、炸物同鍋物，揀到我地頭都大埋。跟餐咖啡、梳打有優惠，仲可以加配甜品等。一份揀左二主菜，包白飯、餐湯、沙律、冷盤主菜同鍋物主菜，再追加左一杯latte，都好豐富。冷盤三選一，揀左南瓜豆腐醬油煮，鍋物主菜三選一，揀左黑松露飛龍頭。比起其他港式日本料理，呢度成份定食嘅味道都唔濃烈，走清新路線，完全無味精感，呢南瓜豆腐醬油煮幾特別，一咬落件豆腐必哂汁，口感好綿，唔係滑豆腐果種。黑松露飛龍頭幾得意，即係雞肉球，裡面加在少少黑松露吊味，泡喺湯中，仲有冬菇、菠菜，雞肉球扎實，肉質還好，唔會乾柴，健康野唔等如無味嘅，帶淡淡肉香。黑松露本身唔係我杯茶，我試左一啖，就由朋友食哂。我果份揀左三主菜定食，分別有
menu選擇都幾多，午市入座時都未有人，但坐低冇耐都已經八成滿座，其實呢類小清新風格喺香港都有一定嘅市場。午餐分「一主菜定食」、「二主菜定食」、「三主菜定食」，每份都有餐湯、沙律、白飯/十穀米，價錢係98/128蚊。主菜都分冷盤、炸物同鍋物，揀到我地頭都大埋。跟餐咖啡、梳打有優惠，仲可以加配甜品等。
一份揀左二主菜，包白飯、餐湯、沙律、冷盤主菜同鍋物主菜，再追加左一杯latte，都好豐富。冷盤三選一，揀左南瓜豆腐醬油煮，鍋物主菜三選一，揀左黑松露飛龍頭。
比起其他港式日本料理，呢度成份定食嘅味道都唔濃烈，走清新路線，完全無味精感，呢南瓜豆腐醬油煮幾特別，一咬落件豆腐必哂汁，口感好綿，唔係滑豆腐果種。
黑松露飛龍頭幾得意，即係雞肉球，裡面加在少少黑松露吊味，泡喺湯中，仲有冬菇、菠菜，雞肉球扎實，肉質還好，唔會乾柴，健康野唔等如無味嘅，帶淡淡肉香。黑松露本身唔係我杯茶，我試左一啖，就由朋友食哂。
我果份揀左三主菜定食，分別有沙律、湯、雜殼飯，冷盤主菜係三文魚南蠻漬，炸物主菜揀左野菜天婦羅，最後鍋物主食就揀左豚角煮，最後仲包埋一杯雪糕。原本見樣樣野份量唔多，都驚會唔飽，但我食哂成碗飯，都真係幾滿足。
三文魚南蠻漬做得唔錯，幾入味呢。
野菜天婦羅亦係我覺得幾好食嘅，炸漿唔會太厚，脆得來唔會話好熱氣或者油淋淋。
我覺得豚角煮普普通通啦，其實味道ok嘅，佢有好入味，但又唔會鹹，之不過豚肉本身真係有啲老同柴，唔夠軟腍。
鐘意呢度可以揀雜穀飯，多個選擇。
三主食跟埋一杯雪糕，朋友果set就要加15蚊追加，都值得試嘅，因為佢地嘅雪糕自家製，無蛋無奶，分別有豆乳甘酒雪糕同京茶咖啡雪糕，做得唔錯，前者豆乳味香濃，後者茶味重，咖啡餘韻長。雪糕本身冰感較重，唔屬於細滑嘅類型，但食完一餐咁清淡嘅飯，用香濃雪糕結尾，唔錯。
張貼
