幸屋

營業中

休息中

哩間餐廳嘅拉麵和丼飯真係正。首先小食先上，嗌左芝麻手羽和汁煮牛舌，牛舌炆得好淋，入哂味。成碟味道好好。老闆好有心，牛舌切一塊塊，一口一啖，好方便。手羽啲外皮炸得金黃酥脆，但又不會油膩，內裡啲雞肉好嫩滑。主食嗌左醬燒牛肉丼，分量好足，牛肉有成10塊咁多，牛肉味濃郁，每塊牛肉都淋上日式照燒醬汁和芝麻，總有小小燒烤味道，好正。溏心蛋啲蛋黃半流動，口感香甜，綿滑。另外一份係海老蝦味噌拉麵，湯底都好正，味道香濃，麵條嗌左粗麵，軟硬適中，好彈牙。配料有大量櫻花蝦和木耳，豬肉好厚身，分量還好多。總有紫菜和溏心蛋點綴。