士林棧 (已結業)

跳完舞食野等男友放工，唔想食連鎖店，由奧運行去大角咀，係富多來兜左個圈都唔知食咩，順著行出塘尾道果邊，諗緊食豬油渣麵定牛肉麵好呢，我係路盲 男友唔係度唔識去豬油渣麵……算啦牛肉麵我都想試，入到店內好多小食都想食，但自己一個叫碗面算啦，叫左半筋半肉麵，有2大舊筋諗滑但唔粘口/2大舊牛腩好諗夠入味，麵老實果句好一般，但個湯好味，飲完唔口乾，好有係台灣既牛肉麵風味，盛惠50蚊，都幾大碗，我食唔晒，枱墊有介紹好似老闆係有祖傳秘方，無咩心機用神睇字，可能跳完舞，再做高運動量帶氧，個人開始呆下次要男友陪我再食，佢一定唔反對，有牛比佢食就得啦