BriKetenia (已結業)

剛做完運動都頗肚餓，就去咗間法國餐廳醫肚。午市時間，在同一層的米缐店、茶餐廳都大排長龍，唯獨在corner位的此餐廳就無需等位直入。心想主因可能是午餐最平都要$88三文治至$248龍蝦意粉。餐廳內裝修普通，廚房是可透過玻璃窗看著廚師烹調菜式的。先上法飽和經調配的蛋黃醬，法飽無焗熱，咬起來軟軟靱靱，加埋淡淡味的黃醬同吃，頗特別。前菜四選一，選了是日餐湯+自助沙律吧粟米忌廉湯，值得一讚，看似簡單但卻考功夫，粟米味濃郁且已經隔渣，加埋忌廉和奶，湯很香滑。沙律吧唔算很多選擇，但勝在質素唔錯。英式芥末薯仔，味道配得剛好，吃到芥末味外亦不失薯仔的香味。水果沙律和沙律菜，都很新鮮，全無氧化情況出現。仲有冷盤肉腸片、粟米、青瓜、烤焗過的車厘茄等。醬汁有法式沙律醬、沙律醋汁，特別在有自製蜜糖芥末醬。蕃茄忌廉汁燴海鮮意粉配蘆筍，海鮮有蝦、青口、煙三文魚，又好細心將蘆筍外青色皮全削去，然後切粒，仲加入一些本菇一起煑成。意 粉本身軟度適中，但醬汁和部分海鮮就唔係我得啦！首先蝦仁爽脆，但青口唔多新鮮，肉有些酶。且可能煙三文魚本身有一定鹹度，所以與意粉同煑反而令到味道變得偏鹹，吃不到蕃茄的酸甜味。