台北巷弄 (已結業)

🔸 仙草2號呢個絕對係一個經典組合，入面有仙草凍、紅豆、綠豆、芋圓，諗唔到食邊個時，揀呢個一定減低中伏機會。仙草凍好滑，但又唔會太過呈水份(曾經食過好似水咁既仙草凍，真係好大陰影)，紅豆同綠豆都煮得軟淋，芋圓、地瓜圓等雖然唔算好煙韌，但加埋仙草、紅豆同花奶一齊食，味道出奇地幾夾同唔錯。🔸仙草3號同2號既分別，就係綠豆變左芋泥，芋泥唔會好甜而且夠滑，不過份量可以再多少少就好了。🔸冬瓜茶唔知點解對冬瓜茶有種情意結，可能係台灣飲過好好飲既，就好想係香港搵番呢個味道。十幾蚊一杯唔可以有太多要求，但呢杯出奇地唔會死甜，又保留左清甜既感覺，而且大大杯，不錯！！整體覺得性價比唔錯，一碗入面芋圓等數量不少，亦算大碗，對得起呢個價錢，屋企人都表示可以再食。