海聯皇宮大酒家 (已結業)

難得放假同屋企人飲下茶，好奈無去呢間酒樓係因為奶黃包某一日起竟然吾流沙，不過屋企人話家下吾同左要試下。例牌叫個葱油豬手，流沙奶黃包，手撕雞。首先葱油豬手，冷盤微酸好開胃，吾太油，岩夏天用黎開胃。然後手撕雞，有小小骨，證明真係撕出黎，紅薑吾太辣醒胃，但油有小小多。最後流沙奶黃包，熱辣辣上枱，一撕開真係流曬D蛋黃出黎，建議等涼小小先食，因為裡面嘅流沙吾係用粉開，凍小小食更加食到沙沙嘅感覺。其實仲有好多點心小菜，不過最出色都應該係呢三樣。