藍象泰國餐廳 (已結業)

Blue Elephant雖然創立於比利時，隨後先係不同的國家開分店，但餐廳的菜式被泰國皇室推崇的泰式餐廳。係前幾年自己一個去曼谷旅行時，就去咗位於曼谷的Blue Elephant去學煮泰菜及嘆個Lunch。個時已經好欣賞餐廳的青咖哩，仲專登買咗盒Cooking Pack返黎自己煮。直到早前知道Blue Elephant係尖沙咀開左分店，我就急不及待去試下。首先，食泰菜一定要叫返個椰青！椰青的味道非常清甜，重點係温度仲要好夠凍。另外，身為軟殻蟹粉絲的我，點可以錯過軟殻蟹米紙卷呢？軟殼蟹炸得鬆脆，唔會太油膩之餘，用米紙粉絲、蔬菜條配料，令到菜式更Fresh。由於泰菜的小食有好多選擇，係咩都想食情況下，我就叫左個小食拼盤。係小食拼盤比較欣賞係沙嗲串燒，個沙嗲的花生味非常香，個質地仲好掛身，將雞串及豬串更昇華。拼盤的炸蝦餅同一盤市場上食到的會有點不同，無左平常的彈牙感，換來的係泰式香料的味道。最特別的小食非馬可莫屬！馬可上面啡色的波波係慢煮花生軟糖，而下面就係新鮮的菠蘿。花生軟糖質地香軟，菠蘿都幾甜。到了主角出場了：藍象特式青咖喱配雞肉，咖喱的容器會有小Candle放係下面keep住個温度。