更多
2019-09-23
260 瀏覽
究竟一間餐廳應該提供多啲唔同既菜式俾客人定係淨係專注做一兩樣食物會吸引到多啲客人呢？呢個問題👧🏻都唔識答，但就搵到一個係後者既例子啦。呢個餐廳供應既食物真係唔多，有幾款食物更加係做到差唔多全日供應咁樣，因為無論早、午、晚餐都見到佢既蹤影，但呢間餐廳真係食左幾次都要排一輪隊先入到去。今次👧🏻就介紹佢地兩款比較出名既食物啦，分別就係叉燒蛋飯同埋番茄午餐肉通粉，叉燒蛋飯看似好普通，材料只係蛋、叉燒、蔥、甜豉油同埋飯，但最普通既食材加埋就有唔平凡既味道，雖然啲叉燒望落好瘦但食落唔會好柴，滑蛋加埋蔥花同甜豉油既配搭令人忍唔住一嗒接一嗒呀。另外番茄午餐肉通粉既番茄湯好濃郁，而午餐肉粒切到一嗒既大細，再經煎炸過之後非常脆口，跟餐仲有炒蛋多士，不過👧🏻就建議大家要加錢轉奶油脆豬啦，有兩件烘到脆卜卜同勁多煉奶既脆豬，絕對係抵食之選👍🏻每次都會透過以下6大方面試評分(滿分:30分)味道 : 4 / 5 環境 : 3.5 / 5 外觀 : 3.75 / 5價錢 : 3.75 / 5 服務 : 3.75 / 5回頭率 : 4 / 5總分 : 22.75 / 30性價比雖然滑蛋叉燒飯同番茄湯通粉真係唔算啲好特
呢個餐廳供應既食物真係唔多，有幾款食物更加係做到差唔多全日供應咁樣，因為無論早、午、晚餐都見到佢既蹤影，但呢間餐廳真係食左幾次都要排一輪隊先入到去。
今次👧🏻就介紹佢地兩款比較出名既食物啦，分別就係叉燒蛋飯同埋番茄午餐肉通粉，叉燒蛋飯看似好普通，材料只係蛋、叉燒、蔥、甜豉油同埋飯，但最普通既食材加埋就有唔平凡既味道，雖然啲叉燒望落好瘦但食落唔會好柴，滑蛋加埋蔥花同甜豉油既配搭令人忍唔住一嗒接一嗒呀。
另外番茄午餐肉通粉既番茄湯好濃郁，而午餐肉粒切到一嗒既大細，再經煎炸過之後非常脆口，跟餐仲有炒蛋多士，不過👧🏻就建議大家要加錢轉奶油脆豬啦，有兩件烘到脆卜卜同勁多煉奶既脆豬，絕對係抵食之選👍🏻
每次都會透過以下6大方面試評分(滿分:30分)
味道 : 4 / 5
環境 : 3.5 / 5
外觀 : 3.75 / 5
價錢 : 3.75 / 5
服務 : 3.75 / 5
回頭率 : 4 / 5
總分 : 22.75 / 30
性價比
雖然滑蛋叉燒飯同番茄湯通粉真係唔算啲好特別或者好有特色既食物，但正正就係最普通既食物都可以吸引到咁多客人幫襯個到勁呀👍🏻最後提多各位朋友仔一次記得轉脆豬呀😋
張貼