影片
更多
2020-07-09
53 瀏覽
呢間高價邊爐最正嘅係個湯底，開始打邊爐之前記得飲啖湯先!今次揀咗個 鮮椰青雞鍋($298)，鍋底有雞件，紅蘿蔔片，椰子肉，杞子，最特別係佢唔係一開始就連湯上，而係會有侍應喺你面前炒個鍋。開火後，先炒熱，聞到有啲牛油香，然後就落酒，再加火燒(玩火呢下真係值回票價haha),然後係成隻新鮮椰青水倒落去，最後加湯。等佢滾咗之後，侍應仲細心咁走埋嚟幫手隔走面頭啲雞油，再示意我地可以飲啖湯先。呢啖湯真係不得了，椰青水嘅味道好出，你知唔係飲緊味精湯，加埋杞子，雞嘅味道，感覺好補~飲咗2碗之後打邊爐，由於本身鍋底都有好多雞，邊爐料我地就叫咗唔係好多，叫咗 1. 細份嘅安格斯肥牛($228)，肉質軟稔，一口一塊，好味，記得唔好淥太耐2. 半份黑松露芝心牛丸($52)，可以一試嘅特別味道~佢仲有好多特色手打丸同餃子架3. 蔬菜拼盤($68)，得娃娃菜同油麥菜，少少失望野飲方面，2個人叫咗一扎青檸梳打($78)，飲極都唔完咁haha
今次揀咗個 鮮椰青雞鍋($298)，鍋底有雞件，紅蘿蔔片，椰子肉，杞子，最特別係佢唔係一開始就連湯上，而係會有侍應喺你面前炒個鍋。
開火後，先炒熱，聞到有啲牛油香，然後就落酒，再加火燒(玩火呢下真係值回票價haha),然後係成隻新鮮椰青水倒落去，最後加湯。
等佢滾咗之後，侍應仲細心咁走埋嚟幫手隔走面頭啲雞油，再示意我地可以飲啖湯先。
呢啖湯真係不得了，椰青水嘅味道好出，你知唔係飲緊味精湯，加埋杞子，雞嘅味道，感覺好補~
飲咗2碗之後打邊爐，由於本身鍋底都有好多雞，邊爐料我地就叫咗唔係好多，叫咗
1. 細份嘅安格斯肥牛($228)，肉質軟稔，一口一塊，好味，記得唔好淥太耐
2. 半份黑松露芝心牛丸($52)，可以一試嘅特別味道~佢仲有好多特色手打丸同餃子架
3. 蔬菜拼盤($68)，得娃娃菜同油麥菜，少少失望
野飲方面，2個人叫咗一扎青檸梳打($78)，飲極都唔完咁haha
張貼
