將軍拉麵 (已結業)

星期六約了朋友去旺角區行金魚街，花墟。我地約在油麻地地鐵站行到過去一邊行一邊睇下中午食什麼好。經過砵蘭街一間叫將軍的拉麵店，在門口餐牌上只有6款拉麵及4款小食。因為店舖細細，款式比較少，所以比我感覺是專注去做這些拉麵。我地兩人叫了個生菜包，噌將軍及金將軍拉麵。 生菜包～～用新鮮的生菜，青瓜片，自製沙律醬包住美味的叉燒黎食。我比較鍾意食佢地的叉燒，用五花腩做的，煙煙韌韌簿豬皮，脂肪層簿簿，仲有兩層肉質不同的肉。配以上料材食，好清新的感覺，又食唔到油膩。金將軍拉麵～～香濃咖哩汁湯底配嫩滑雞肉，洋蔥絲同紅椒絲放在面頭上好有立體感，牙菜，蔥粒，半熟煎雞蛋與拉麵一齊食好好味，麵爽口彈牙。噌將軍拉麵～～噌味道湯底， 洋蔥絲同紅椒絲放在面頭上好有立體感，牙菜，蔥粒，半熟煎雞蛋與拉麵一齊食好好味，叉燒輕輕的煎過比較香口，我鍾意佢地叉燒唔肥，不會食到一口油。其實，一碗拉麵已經好飽再加一份小食滿足呀。