Paths Koffee & Rest Stop (已結業)

假日就梗係想一齊去遛狗啦，但係放完狗要搵地方食嘢真係唔容易㗎，今次就試吓依間觀塘工廈嘅餐廳啦。你睇我隻狗坐得幾開心就知環境係舒服啦，有毛孩嘅主人不妨都可以嚟試吓依度嘅食物同環境。今次我就試咗抹茶牛奶同埋雪糕窩夫，但睇埋相就知道好味到啦。抹茶牛奶唔算特別甜所以我覺得都幾好飲，窩夫就更加唔使講，非常之香脆而且個草莓醬配得好好味，再加上雪糕同埋啲cream真係一流呀。價錢方面其實就同普通甜品店差唔多啦，但係佢可以帶狗喎，重點仲要係我覺得都真係唔錯㗎，歡迎你哋都嚟試吓。