神輿日本料理 (已結業)

今次約左兩位老死黨去傾日本旅行事宜，想搵個好坐又任食既放題。有同事推薦依間，所以就黎試下。我地一到門口，嘩有得寫木牌甘好玩。而且就甘望入去都幾大空間。入到去，嘩真係好寬敞，我地三個人，佢比我地既位，兩人中間可以放低背囊都仲坐得好鬆動。坐低就當然攞紙落order啦。佢既食物種類同其它放題餐廳分別不大，但野飲都係寫紙唔係自己去攞。最特別係有抺茶同玫瑰花茶。抺荼係用茶粉開既，好重抺茶味。有飲開茶都知抺茶粉一D都唔平。而玫瑰花茶就係用茶包沖既。刺身：我地鐘意佢個刺身，好新鮮好鮮甜。因為本身質素好，所以唔使搞甘多花款，一個平實 樸素碗加冰就已經盛上刺身。甘樣反而更令人加分。壽司：魚生同米飯既比例適中，用料新鮮，無可挑剔。炸物：值得一提嘅係呢度嘅炸物。呢度嘅炸物炸得香口得黎又唔會過火，見到啲炸物完全冇焦 。喺咁多放題餐廳裏面，依間炸物係值得推介嘅一間。燒物：呢度嘅燒物係第二樣我想推介嘅。佢哋燒物既水準好高，燒得香口得黎又保持到肉嘅嫩滑，唔會太乾身，可以order好多次。最後要提既係佢地既雪糕甜品係要係櫃台同職員拎。