店舖設計簡約而舒適，以深藍色和淺木色為主調，配上光線柔和的烏絲燈，格調尤像咖啡室一般。餐廳除了設有普通的圓形和方形餐枱，不同角落還擺放了一批黑色古典梳化座位，加上牆上的掛相，感覺親切舒適得如像在家中進餐，非常寫意。
黑松露野菌忌簾意大利粉$82
材料非常豐富，廚師毫不吝嗇地放了很多野菌和洋蔥，黑松露忌簾汁稀結適中，每一條意粉都掛到汁，意粉又夠彈牙， 整體感覺濃而不膩，份量充足，若兩個女生share都好夠食。
黑松露油蟹肉炒蛋牛角包$72
炒蛋做得好出色，半到半流質狀態，將蛋香發揮得淋漓盡至，每一啖都充滿黑松露油和蟹肉的鮮甜味，配上外層烤到好香脆鬆化既牛角包，口感好豐富！伴菜還有黑醋沙律和炸薯餅。
焦糖香蕉雪糕窩夫$66
窩夫外脆內軟，脆口的表層夠薄身，味道唔太甜，配上雲喱拿雪糕甜味就剛剛好，香蕉表層coat了焦糖，增添香脆口感，整體配搭唔甜膩！
Green Tea Latte
拉花做得很出色，只睇外觀已經100分，熊仔拉花非常可愛！謀殺了不少菲林，靚到唔捨得飲，綠茶味道很濃郁，唔太甜，奶打得很細滑。
