丸十日本食堂

逛商場逛到攰，見有些許餓又未到晚飯時間，決定搵間日本野點幾味輕食解吓饞。

旁邊就係元氣，以價位比較起來丸十都算貴價，心中自然有期待，相信食物質素唔會遜色。

和牛薄燒

$198

$198六片和牛薄燒，包裹著切段韮菜，表面灑上蔥花及炸蒜。
韮菜不多、並無爽脆感，和牛片肉味頗淡，勝在入口帶油香，加上香脆又帶略微韌勁嘅蒜片提香，算係拉上補下過關

自家製鰻魚玉子燒

$68

最平價嘅玉子燒反而唔錯。
蛋卷軟嫩、蛋汁充分，鰻魚油脂多、滑嫩不腥，整體口感好嫩好滑好飽滿。

1

丸十刺身五盛

$248

愛食刺身嘅朋友恐怕會大失所望
唔新鮮又帶腥氣，唯獨吞拿魚夠厚身又唔腥；鮮蝦頭大身細，但蝦頭幾多膏。

灸燒金目鯛

$50

壽司手勢唔錯，握得結實不散，飯粒大小適中不濕不乾，預先加入豉油同醋拌勻，味道足而淡香，不需額外調味
灸燒蝦同中拖無咩特別，中間嘅金目鯛軟嫩又有魚香，吞下後口腔仍保留餘韻，算係失望中嘅小驚喜。