譚仔三哥米線 (富盛大廈)

勁鍾意食譚仔米線．之前去開深水埗食
見到元朗開譚仔．本來勁開心
呢間元朗譚仔剛開時．去過一次．仲見到三哥本人
果次因為同侍應溝通問題．佢比左個小辣我
我本人勁鍾意食辣．叫佢加辣佢竟然話唔得
心諗．唔係嘛．麻辣加＄１咖喎．唔夠辣竟然話唔比加
最後同三哥講．佢都話本來唔加得．但都幫我整喎
結果．．．第一次食都試唔到我想食ｇｅｉ辣
但係印象已經麻麻
尋晚心血來潮好想食．就姑且試多一次
今次我叫左特辣
個米線黎到．辣就真係夠辣啦
不過始終唔夠０係深水埗食開咁香
明明係同一間野．可以差咁遠
結論係．我寧願搭車出深水埗食
另外仲叫左大土匪雞翼＄２３／５隻
的確係新鮮熱辣辣．可惜唔夠入味
都係深水埗好味ｄ

兩個人埋單＄５０．因為我男朋友無食米線．只係陪坐