地點都要搵左一陣
位處既大廈比較舊
要搵店員禁掣先開到樓下個閘
餐廳環境尚算舒適 係暗左小小
梳化位都坐得舒服 周圍有少少乾花裝飾
是次同朋友下午茶時段黎
我叫左個忌廉三文魚貓耳朵
貓耳朵裝住啲汁 啖啖三文魚味
再熱啲會更好
跟餐亦叫左個熱鮮奶焙茶
中意茶果種甘甜味既會中意呢杯焙茶
朋友叫左個多幾粒棉花糖既焙茶
佢就麻麻地中意
另外亦叫左個明太子蟹肉小法包
上菜果陣法包已經凍凍地 所以有啲硬
蟹肉應該係罐頭果種
加埋明太子 感覺變得更加咸
整體野食不算太出色
服務方面 當時只有一人負責樓面
所以即使果陣客人都吾算多
隔離枱想落單搵極都搵吾到人
評分: 5.5/10
