我的意大利廚房 (已結業)

偶爾會過嚟QRE呢幢嘢食嘢，成個灣仔，想食好D就會過嚟。某日lunch就過咗嚟呢間意大利餐廳食，一個set有麵包、湯、飲品、主菜都係百幾蚊，都好合理！磨菇餐湯，唔算好creamy!個麵包脆㗎，又有芝士粉同一個蒜蓉醬，個蒜蓉醬好正我叫咗個牛扒，真係做到medium, 個牛油亦好夾塊扒！最貼心係個檸檬有個夾比你夾，乾淨衛生！朋友叫炸魚，粉唔厚，魚肉好滑，塊魚好大塊，大塊到食剩咗少少，cp值高！呢間嘢坐得舒服，又有少少裝修，服務正常，呢個價錢係值得再幫襯！