渝味曉宇重慶老火鍋 (太子集團中心) (已結業) 查看

好耐無同班兄弟打邊爐，都好耐無食過重慶邊爐，果鋪辣癮起，所以今次嚟到「渝味曉宇」醫一醫五臟廟。大骨滋補鴛鴦鍋+重慶辣個滋補湯底幾好飲，值得一提嘅喺舊豬骨其實仲有好多肉喺上面，🤤🤤啱晒我呢d啜骨一族。同行幾位兄弟一致認為呢道嘅麻辣鍋好好食，d辣慢慢滲出嚟好過癮。美國安格斯優質肥牛睇落牛肉雪花脂肪分佈都幾靚，食落都好重牛味。值得一提嘅喺牛肉唔會散開一塊塊，證明唔喺雪藏好耐嘅疆屍牛👍👍。美國桶肥蠔呢道嘅桶蠔好出色，夠肥美又鮮，仲要無異味。口感方面無霉口，證明唔喺倉底貨嚟。牛骨髓第一次食牛骨髓，感覺幾有趣，好似食豬腦咁。本身牛骨髓無咩味，所以同麻辣湯底超夾。美國優質肥牛粒肥牛粒好食到😂😂個個喺道搶。咬落去肥牛粒爆晒油脂，成個口腔都充滿牛油香味🤤🤤🤤，一口一粒真喺啱啱好。迷你燕餃個燕肉餃比想像中出色👍皮薄，肉甜。配辣辣湯底食非常夾。不過同樣一口一粒，個人覺得肥牛粒吸引好多😂😂。黑豚腩肉雖然黑豚腩肉平時打邊爐都有，但想講下呢道嘅腩肉比較肥d。果種肥感覺似喺煙肉咁，油狀嘅，唔喺一舊舊肥脂。個人覺得配麻辣火爐好夾，因為好重油脂味，但同港式清湯邊爐可能唔太夾。其實仲叫咗一d香港人打邊爐必叫嘅食品，例如：