更多
2021-01-03
2500 瀏覽
天氣好凍🥶同媽媽去尖沙咀去shopping,凍到佢話想食啲熱既野,就靈機一觸想起差不多一年前喺金巴利道食過一間熱辣辣既韓國養生湯,就帶佢嚟試吓,門面設計依舊都係好粉紅少女風,只係多了些聖誕裝飾,更有節日氣氛🤗最鍾意呢度係除咗熱辣辣既石鍋韓國拌飯之外,有成多達十款既韓國養生熱湯選擇😍就叫了一個蔘雞湯 ($148)比媽媽暖下身,佢話食完個人都暖笠笠,裡面材料十足,飲落好濃蔘味,雞肉好嫩滑,煲到連啲雞骨質感都有少少溶溶地,感覺真係熬咗好耐咁,雞裡面仲有釀咗啲糯米,如果唔夠飽可以加個韓國紅米飯($15)或者韓國麵條🍝($20)我就叫了海鮮大醬湯 ($138),嚟到有少少感覺比人呃咗咁😂😅張相明明係好紅色,以為係泡菜湯底再加海鮮🦞再睇返menu原來係大醬湯,故事教訓我要睇字😂唔好淨係看圖識字🤣講返個湯先,裡面有水蟹、蜆、青口等海鮮,洋蔥、紅蘿蔔絲、翠玉瓜同豆腐做配菜,感覺好似飲緊好大碗既麵豉湯咁😅整體來講,身為熱湯愛好者,下次天氣凍就會諗起呢度有零味精養生湯飲的🥰
天氣好凍🥶同媽媽去尖沙咀去shopping,凍到佢話想食啲熱既野,就靈機一觸想起差不多一年前喺金巴利道食過一間熱辣辣既韓國養生湯,就帶佢嚟試吓,門面設計依舊都係好粉紅少女風,只係多了些聖誕裝飾,更有節日氣氛🤗
最鍾意呢度係除咗熱辣辣既石鍋韓國拌飯之外,有成多達十款既韓國養生熱湯選擇😍就叫了一個蔘雞湯 ($148)比媽媽暖下身,佢話食完個人都暖笠笠,裡面材料十足,飲落好濃蔘味,雞肉好嫩滑,煲到連啲雞骨質感都有少少溶溶地,感覺真係熬咗好耐咁,雞裡面仲有釀咗啲糯米,如果唔夠飽可以加個韓國紅米飯($15)或者韓國麵條🍝($20)
我就叫了海鮮大醬湯 ($138),嚟到有少少感覺比人呃咗咁😂😅張相明明係好紅色,以為係泡菜湯底再加海鮮🦞再睇返menu原來係大醬湯,故事教訓我要睇字😂唔好淨係看圖識字🤣
講返個湯先,裡面有水蟹、蜆、青口等海鮮,洋蔥、紅蘿蔔絲、翠玉瓜同豆腐做配菜,感覺好似飲緊好大碗既麵豉湯咁😅
整體來講,身為熱湯愛好者,下次天氣凍就會諗起呢度有零味精養生湯飲的🥰
張貼