海風餐廳 (已結業)

上星期日同屋企人去左尖東海景嘉福酒店嘅海風餐廳食Brunch, 一入到去感覺唔同左，光猛左好多。裝修後比以前時尚不少。侍應親切咁帶左我地去一張近buffet嘅枱，因我個Party有老人家，方便我們出入。他們又詳細介紹buffet個形式，最特別係枱面有d咭仔，原來係去點duck liver同即點即做Pasta，order之後仲要有侍應送返枱面，唔洗客人等。buffet食物選擇多，有出面較少見嘅Cold Cut,特色嘅Antipasto，仲有新鮮即開嘅Australia Oysters。有生蠔當然要配酒啦！加$188就有Wine & Beverage Package，可任飲Prosecco，紅白酒同Juice等，而主菜選擇亦有五至六款，有Cod fish, sirloin steak同Lamb Cutlet等。最值得一提係係甜品枱之後有間Kid Room入面佈滿玩具供小朋友玩，又有小丑為小朋友扭氣球。餐廳又有安排員工照顧小朋友。小朋友係房玩得開心。大人又可安心食飯，Mistral Sunday Brunch真係最適合一家大細去食飯嘅party嘅最好選擇。食Brunch又多個好去處。