尚犇

象山邨 叫得孤島村真係無咩野好食。
呢間一開始唔知點讀嘅餐廳就吸引到我眼球。

第一次試了涼瓜菜浦炒蛋飯。好平30幾蚊。加熱飲加4蚊。
超大的一個炒蛋。整整覆蓋整個飯盒。 而且好味又新鮮。因為即製。
第二次叫了蘿蔔炆牛腩，顏色雖然唔鮮艷。但有濃濃果皮味，牛腩炆到好林。好似屋企餸。無味精
第三次叫了豉油雞肶飯，嘩，隻雞肶好大隻，成塊面咁大。不過佢可能之前滷定喺雪櫃拎出嚟，先再加熱。真心等咗好耐

不過，亦都因為佢即整，等候時間比較長。基本上每次都等10~20分鐘。（建議打電話叫定，再去拎）

而我🙆不定時都會嚟買早餐。真係超平超抵。
雙拼三文治+熱飲。只係23~24蚊。落荃灣區是但一間茶記都做唔到

喺呢條村做食肆真係要好有勇氣。人流唔多。
中午得班學生 或 附近老人院，學校。。等嘅職員
早市可以有班屋邨老人家，行山客。。

所以就算唔常寫食評，都寫下啦。希望多d人識。俾d小生意呢度冬菇亭餐廳

🙆
一個附近上班的小職員