潮庭 (星光行)

營業中

休息中

住在澳門嘅朋友生日，特別揀左間離碼頭不遠嘅酒樓同佢慶祝牛一。估唔到6：30pm去到，間酒樓已經坐滿人，好彩有訂位。前菜係1小杯花生撈青瓜，酸菜同豆干，可能我肚餓，覺得佢好好食。因為係全女班，點嘅菜唔算多。小黃瓜海蜇頭—油左D,海蜇頭爽口。栗子雞煲—爆左嘅蒜頭真係惹味,雞肉少過骨，我鍾意栗子,好彩有栗子，仲係好鬆化嗰隻。潮州煎伊麵—脆口。涼拌豬腳凍—好似啫喱，一想到有好多骨膠原，我就夾完一片又一片。奶湯鮮枝竹浸菜疏—口感普通，但食完D肥膩嘢，當然要食番D清淡嘅菜。壽包—乾左D,個餡都可以。上菜算快，交通方便，唔太花巧，適合普通食飯。