日和屋 (已結業)

除咗碗仔翅之外，隔離見到一間買手捲嘅鋪頭所以就過咗去買一兩舊手捲嚟食，見到嗰間舖頭其實都有唔少人排隊，證明應該有一定嘅口碑。今次就叫咗個免治吞拿魚手捲。 等咗大概十分鐘就有得食，見有人其實都會直接拎完就即刻食，不過始終防疫問題，我都係買返屋企自己食。佢外賣手捲嘅紫菜係另外獨立包裝，所以唔擔心會變軟。見入面餡同埋飯嘅份量都好多，不過略嫌包飯嘅紫菜比較油，但係都唔影響我嘅食慾，wasabi同豉油都配得好足，下次可以encore。