燒皇燒烤專門店

營業中

休息中

朋友話荃灣有間宵夜食野吹水既好地方，於是大家約埋一齊去試下新野。黎到門口，有種似曾相識既感覺，原來呢間舖頭係之前上過電視"夜宵磨"ga~~~首先當然叫返個開胃小菜同啤酒先la~~~但原來這間舖頭是沒有酒牌的，所以我地去左隔離果間啤酒店買入來慢慢享用。四季豆灑上濃郁既味粉同芝麻，燒到少少焦但還是有點爽身，非常開胃美味。大大舊龍躉翅，咬落去好似成舊花膠咁，好多骨膠原同軟骨，鮮嫩多汁既肉好滑，口感一流!!用上新鮮既琵琶蝦，再加上炸蒜蓉同香蔥，調味香濃，令蝦肉豐富完全入味，值得一讚!!第一次食魔鬼魚，外皮脆脆，內裏不會過熟，魚質很滑，味道鮮甜。