影片
更多
2024-03-07
103 瀏覽
之前朋友結婚係呢度擺，覺得呢度好Grand，坐得舒服，今日約左幾個朋友去附近工廈Shopping，咁我就提議上去飲茶。宴會廳一邊牆身有長50呎既海洋生態水族長廊，舞台用左勁多花去佈置，戶外仲有小庭園，係度做證婚，好浪漫🥰。點心拼盤，有黃金糕、菜苗餃、野菌餃同蟹籽燒賣。最鐘意野菌餃，好香黑松露味。蝦餃蝦肉鮮甜彈牙。醬皇蒸鳳爪，鳳爪肥美， 沾滿醬汁，yummy。春風得意腸，煙韌外皮包住脆卜卜同彈牙鮮蝦，口感超豐富。原個鹹蛋黃大壽桃，自細都好鐘意食蓮蓉包，呢個加埋原個鹹蛋黃既壽包真係無得頂，邪惡彈好味。椒鹽九肚魚，表皮酥脆可口，嫩滑中帶口感，蒜粒椒粒可口，十分惹味。燒鵝米線（可配檬粉），燒鵝皮脆有光澤，肉汁多，肥瘦均勻，燒鵝味濃，配米線食味道剛好。係度嘆下傾下計，咁就坐左兩個鐘，真舒服。
宴會廳一邊牆身有長50呎既海洋生態水族長廊，舞台用左勁多花去佈置，戶外仲有小庭園，係度做證婚，好浪漫🥰。
點心拼盤，有黃金糕、菜苗餃、野菌餃同蟹籽燒賣。最鐘意野菌餃，好香黑松露味。
蝦餃蝦肉鮮甜彈牙。
醬皇蒸鳳爪，鳳爪肥美， 沾滿醬汁，yummy。
春風得意腸，煙韌外皮包住脆卜卜同彈牙鮮蝦，口感超豐富。
原個鹹蛋黃大壽桃，自細都好鐘意食蓮蓉包，呢個加埋原個鹹蛋黃既壽包真係無得頂，邪惡彈好味。
椒鹽九肚魚，表皮酥脆可口，嫩滑中帶口感，蒜粒椒粒可口，十分惹味。
燒鵝米線（可配檬粉），燒鵝皮脆有光澤，肉汁多，肥瘦均勻，燒鵝味濃，配米線食味道剛好。
係度嘆下傾下計，咁就坐左兩個鐘，真舒服。
張貼
