香香宮煮 (金輝大廈)

天氣開始轉涼，特登去咗一間宮廷風火鍋店。一行入店内就好似置身於宮殿，最特別係有一個皇帝寶座打卡位，旁邊仲有宫廷衣服比客人換上，一個與眾不同既用餐體驗。雍穆公主•花膠雞湯鍋今次揀咗養生湯底，湯底用左三黄雞每日新鮮敖製，保證左湯既鮮美程度，雞湯滋味濃郁，配上厚身既花膠，花膠吸收哂雞湯既精華，美味又有嚼勁，雞湯鍋有半隻雞嘅份量，口感嫩滑。花花公主牛魔王拼盤(細) 一次過試晒7款唔同既牛部位，每款都非常新鮮，頂級安格斯牛肉肉質鮮美，手切本地牛肉肉汁充滿口腔，新鮮牛展帶有一點嚼勁，頂級雪花肥牛肉質細嫩，脂肪分佈均勻，牛黃喉口感彈牙，牛肉粒牛味濃郁，牛舌花爽口。伊比利亞橡果豬豬肉脂肪分怖均勻，豬肉中脂肪分怖均勻，油花如大理石紋般，肉味芳香。手打蟹子鮮蝦丸（四粒）咬落口非常彈牙，蟹子和鮮蝦既組合增添豐富口感，充滿着鮮甜既味道。香香宮煮響鈴拼盤響鈴係即炸，用左特選腐皮，炸過後變得金黃酥脆，拼盤有齊原味即炸響鈴同埋即炸黄金炒響鈴，黄金響鈴充滿着濃郁既鹹香味道。自家製足料竹蔗茅根打邊爐配竹蔗茅根一流，微甜，飲落口非常清新。