地址：觀塘開源道60號駱駝漆大廈3期1樓l號舖
相信作為打工仔嘅你一定好明白午餐時間喺幾咁重要🥹，喺工作中段有個休息嘅空間，同朋友同事傾吓計、被美味嘅食物滿足一吓自己、放鬆一吓繃緊嘅頭腦🧠，就算下晝要返去做嘢都會開心返啲，亦都喺好多人返工每日嘅動力🥰
老闆有見及此，上年6月喺觀塘工業區呢個繁忙嘅地方開咗呢間中午主打日式定食、夜晚主打日式居酒屋料理同火鍋嘅百一旗亭 @hyakuichi.kitei 。旗亭喺傳統日本人休息嘅地方🎏，無論你喺一個人嚟靜靜享受獨處食飯嘅時間，抑或同成班同事相聚一堂都一樣咁適合，餐廳Icon企鵝「東東」同貓咪「西西」都同樣咁鍾意嘆美食嘆生活🥰，快啲過嚟同佢地一齊嘆個夠啦
餐廳除咗提供正宗日式料理之外，仲有西日fusion菜式同無肉餐單，所有嘅食物同醬料都喺由餐廳人手製作同調較，落足心機同誠意💕。今次午飯時間過嚟試咗佢哋嘅定食🍱，有成15款選擇，價錢由$70-$100不等，
定食套餐仲配埋前菜、漬物、麵豉湯同熱茶🍵
✝️宮崎南蠻雞定食 $80
呢個宮崎南蠻雞皮薄酥香、脆而唔油膩，雞肉嫩滑多汁一啲都唔會好重口味💦，
配上自家製酸汁同埋酸酸甜甜嘅南蠻醬汁就更加重味道層次，食落更加開胃👍，一份有成6-7大舊，份量都唔少。
加$10仲可以轉稻庭烏冬或者蕎麥麵，要咗彈牙嘅烏冬，大大碗食完都幾飽肚
✝️吉列豚肉咖哩飯 $80
店員推介嘅吉列豚肉🐷，
鬆脆嘅吉列外層由麵粉、雞蛋漿同麵包糠香炸而成，吉列層唔會好厚，唔會食到成口粉，豐富嘅吉列口感、豚肉味道香濃嘅豬扒，配上香甜濃郁嘅咖喱汁，呢個配搭真喺冇得輸，食晒7塊吉列豚肉都唔會覺得膩😋，撈飯食一流😎
✝️日式雞皮炸餃子 $48
一客有5隻嘅雞皮炸餃子🥟，外層喺爽口煙韌嘅爆汁雞皮，輕輕炸過有輕輕脆口口感，咬開雞皮食到一舊爆汁嘅嫩雞肉，咁樣嘅餃子真喺幾有創意，亦都喺第一次試，雖然真喺幾邪惡，不過又真喺幾惹味同幾易入口，但我都喺覺得食一舊同試一次就夠🤣
飲品方面，加$12要咗杯巨峰乳酸同加$22叫咗杯靜岡秋月焙茶拿鐵，
後者喺用日本靜岡秋月焙茶粉沖配而成，啖啖奶滑香之中飄出焙茶嘅醇香☕️，呢個午餐真喺幾滿足🥰
