新泰東南亞餐廳 (已結業)

一入到餐廳發現餐廳原來都聘請好多嘅泰國人做野嘅，去到門口，嗰位接待員有好親切嘅微笑問我幾位，然後就帶左我入坐。坐位好有泰國渡假嘅感覺！令人感覺好似係忙裡偷閒嘅感覺！當我想郁張凳嘅時候，個服務員連忙過嚟幫手，因為張凳太重，要我地兩個一齊先郁倒！第一樣黎嘅係依個，入面包軟殼蟹，個軟殼蟹好脆，口感好好，但依個食三舊就已經好夠飽！然後嗌左杯紅豆冰，唔會話好甜，又唔會成杯都係冰咁，而且都睇倒有好多紅豆係入面！然後又嗌左半隻海南雞，好滑嘅肉，而且好香，簡直完全唔需要點醬料！最後嗌左個甜品，芒果糯米飯佢有兩種糯米，分別係白糯米同埋黑糯米，啲椰奶好多而且啲芒果都好香甜，簡直係為依餐畫上完美嘅句號。