10
2
0
等級8
幾個月前上到嚟祖堯村祖堯坊嘅「彩龍船中西美食坊」食下午茶,偶然見到呢間「香港西廚學院」,八啩一下,原來除晚市外,逢星三四五都有午餐提供,而且,4道菜只賣$89,無加一,感覺非常抵,不過,星三四五都喺返工日,無機會啦!但最近痠情關係,有個別日子喺在家工作,咁中午都要放飯架,所以,搵其中一日同老婆上去食晏。原本喺想訂12月16日晏晝,但店家話呢個星期只做12月17日、18日(星期四、五)兩日,喺做聖誕節午餐,5道菜,定價$129,已包加一,之後學院會放假,直到新曆年後先開返。所以,趁有機會,12月18日都OK,菜單如下:不過,到訪當日,在門口仲貼多一張聖誕節午餐,只做12月25日、26日(星期五、六)兩日,同樣喺5道菜,定價$150,已包加一,菜式跟我今次食到嘅有分別。一入門口,裝修成一間咖啡店模樣,無詳細過問,我估喺教學之用,因為,佢哋除上述時間開放供應午餐,其次就只有晚上開放有做餐飲生意。防疫都做得好足,職員第一時間會要求客人量體溫,消毒雙手。之後,再由職員帶路,屈個彎就入到餐廳裡面,地方唔喺好大,加上由於限聚令關係,全場只安排到8張枱共16個位。裝修簡約,但亦算幾骨子,加上偌大嘅落地
更多
幾個月前上到嚟祖堯村祖堯坊嘅「彩龍船中西美食坊」食下午茶,偶然見到呢間「香港西廚學院」,八啩一下,原來除晚市外,逢星三四五都有午餐提供,而且,4道菜只賣$89,無加一,感覺非常抵,不過,星三四五都喺返工日,無機會啦!但最近痠情關係,有個別日子喺在家工作,咁中午都要放飯架,所以,搵其中一日同老婆上去食晏。
14 瀏覽
0 讚好
0 留言
原本喺想訂12月16日晏晝,但店家話呢個星期只做12月17日、18日(星期四、五)兩日,喺做聖誕節午餐,5道菜,定價$129,已包加一,之後學院會放假
,直到新曆年後先開返。所以,趁有機會,12月18日都OK,菜單如下:
61 瀏覽
0 讚好
0 留言
不過,到訪當日,在門口仲貼多一張聖誕節午餐,只做12月25日、26日(星期五、六)兩日,同樣喺5道菜,定價$150,已包加一,菜式跟我今次食到嘅有分別。
67 瀏覽
0 讚好
0 留言
一入門口,裝修成一間咖啡店模樣,無詳細過問,我估喺教學之用,因為,佢哋除上述時間開放供應午餐,其次就只有晚上開放有做餐飲生意。
8 瀏覽
0 讚好
0 留言
防疫都做得好足,職員第一時間會要求客人量體溫,消毒雙手。之後,再由職員帶路,屈個彎就入到餐廳裡面,地方唔喺好大,加上由於限聚令關係,全場只安排到8張枱共16個位。裝修簡約,但亦算幾骨子,加上偌大嘅落地玻璃窗,喺欠咗少少陽光,外面仲有啲露天位,不過,就未有開放。
12 瀏覽
0 讚好
0 留言
雖然話裝修簡約咋,但餐枱上嘅擺設一點都唔「馬虎」,仲帶點舊式西餐廳或扒房嘅情調,餐具都排列好,可以講一絲不苟
5 瀏覽
0 讚好
0 留言
而晌餐廳內,透過一面大玻璃,喺可以直接睇到廚房運作,由外籍導師指導,做菜就交由一班年輕學員作「煮」,真真正正嘅「學生餐」
,透過實戰去體驗一下餐廳嘅運作!而部份學員就「客串」侍應崗位,裡裡外外各司其職,適逢聖誕,更着起聖誕老人裝應吓節
6 瀏覽
0 讚好
0 留言
Classic Prawn Cocktail with Melba Toast

菜單全英文,加少少註解,不過,甫坐低,學員都會作一個簡單嘅介紹。前菜、甜品都喺二揀一,我同老婆兩個人,唔需要煩,就正正兩樣都試到。呢個「雞尾蝦」真喺打響頭炮,首先賣相好精緻,甚有高級西餐廳做菜嘅影子,主角嘅牛油蝦,好清爽,肉質彈牙,而下面青瓜薄片捲住嘅喺牛油果、意大利乾蕃茄、蝦肉……等等做成嘅沙律,配上酸香帶微辣嘅醬汁,非常醒胃;再配搭烤脆咗嘅薄麵包片,以及以火槍燒過嘅牛油生菜,都反映好多細節位好用心。
Classic Prawn Cocktail with Melba Toast
5 瀏覽
0 讚好
0 留言
Classic Prawn Cocktail with Melba Toast
5 瀏覽
0 讚好
0 留言
Melon with Parma Ham

睇個菜式名,相信好多人都知會喺咩,不過,嚟到會有驚喜,其實,睇菜牌嘅描述,都會再了解更多,因為唔單止有巴馬火腿伴蜜瓜,仲有哈蜜瓜雪葩及炸芝士球。巴馬火腿未至於好油潤,但鹹香十足,襯以清甜嘅蜜瓜,非常搭配;而炸芝士球超脆口,芝士味好濃郁軟綿,又一啲都唔油;最後先至食個哈蜜瓜雪葩,可有清清味蕾之效。
Melon with Parma Ham
2 瀏覽
0 讚好
0 留言
Melon with Parma Ham
3 瀏覽
0 讚好
0 留言
Lobster Bisque 

有出去食開西餐都知,一客龍蝦湯單點賣到$70、$80,甚至更貴,而一般西式套餐都好少供應龍蝦湯,大多數都喺乜乜忌廉湯之類,除非喺晚市賣到3、4百以上嘅套餐。故此,百零蚊嘅午餐大俾到龍蝦湯實在喺賺突。難得嘅喺,個湯嘅蝦味非常突出,好濃郁,又夠熱辣,質感啱啱好,唔會太厚,亦唔會太稀,真喺好好飲
Lobster Bisque
1 瀏覽
0 讚好
0 留言
Lobster Bisque
4 瀏覽
0 讚好
0 留言
Christmas Turkey with all the Trimmings

主菜3揀1,我就揀個夠貼節日氣氛嘅煎火雞,火雞胸、雞腿都經過慢煮,然後再煎香,所以,入口一啲都唔嚡,相反,都幾嫩滑,配上小紅莓汁,感覺好唔錯,而且,有一小件「pigs in blankets」,仲以為喺乜,其實喺香腸煙肉卷,甚具油香。
Christmas Turkey with all the Trimmings
3 瀏覽
0 讚好
0 留言
Christmas Turkey with all the Trimmings
4 瀏覽
0 讚好
0 留言
A Vegetarian Christmas

餐廳都照顧到素食人士,所以,老婆就揀咗呢一款素主菜,賣相有啲似聖誕肉批,但其食材喺烤烘過嘅果仁、白甘筍、醃漬過嘅紅菜頭,再加入素菜汁所做,同樣伴上小紅莓汁佐食。雖然明知喺素食材,但食落真喺幾有「肉感」,有陣陣香料味,而且,多種食材產生出多層口感,喺一道頗有趣嘅菜式。
A Vegetarian Christmas
2 瀏覽
0 讚好
0 留言
A Vegetarian Christmas
3 瀏覽
0 讚好
0 留言
A Vegetarian Christmas
4 瀏覽
0 讚好
0 留言
Roasted potatoes, Carrots and Turnip puree and Brussel sprouts 

主菜喺配有薯菜,不過,好得意,我哋兩人份嘅薯菜另碟上,再由侍應夾上碟,包括烤薯仔、甘筍蘿蔔蓉(我初時以為喺蕃薯蓉)及炒小椰菜。啲薯仔烤得外層脆口,好有薯味,甘筍蓉亦打得軟滑,小椰菜好爽口。
Roasted potatoes, Carrots and Turnip puree and Brussel sprouts
5 瀏覽
0 讚好
0 留言
Lemon Tea
餐牌無列明,其實喺有包餐飲,但免費嘅就只限檸水、檸茶,想飲咖啡嘅則需另加$20,此外,就無其他選擇。
Lemon Tea
1 瀏覽
0 讚好
0 留言
Christmas Pudding with Brandy Sauce 

接近尾聲,喺上甜品嘅時候,呢一款聖誕布甸絕對喺傳統,食過嘅朋友就知喺一道烘焙嘅甜點,內裡混入大量雜乾果,簡單加入麵粉焗成嘅蛋糕已非常好食,熨熱香甜,味道芬芳,再淋上白蘭地汁,簡直喺完美嘅結合!
Christmas Pudding with Brandy Sauce
4 瀏覽
0 讚好
0 留言
Christmas Pudding with Brandy Sauce
1 瀏覽
0 讚好
0 留言
Sherry Trifle 

另一款甜點真喺唔知乜嚟,睇餐牌嘅介紹,有好多嘢,如生果、海綿蛋糕、雲呢嗱吉士、甜奶油,好期待。以傳統雞尾酒杯盛載,放咗幾粒紅桑莓,賣相好靚。單睇面頭嘅甜奶油嘅粒粒黑點,就知用雲呢嗱籽做,唔喺用香精油,喺誠意,而下面喺紅莓果肉夾雜海綿蛋糕,酸香鮮活,好好食。事後,睇到佢個聖誕餐牌,有個中文譯名:英式奶油水果杯。
Sherry Trifle
1 瀏覽
0 讚好
0 留言
Sherry Trifle
1 瀏覽
0 讚好
0 留言
Mulled Wine and Minced Pie 

由於賀聖誕關係,最尾再送上暖暖嘅紅酒及迷你豬肉批,前者喺加咗啲玉桂及八角去煮,飲起嚟更容易入口,又滲出陣陣香料味,感覺真喺幾唔錯;而豬肉批就唔喺好多驚喜,叫OK啦。
Mulled Wine and Minced Pie
1 瀏覽
0 讚好
0 留言
Mulled Wine and Minced Pie
2 瀏覽
0 讚好
0 留言
用餐過程中,外藉導師不時會出嚟問吓客人嘅意見,而學員晌招呼方面雖然有少少生手,但都感受到佢哋都好盡力做,亦好殷勤有禮。順帶一提,每一環菜式,都會同步出菜,例如,前菜嘅蝦沙律及巴馬火腿配蜜瓜,都如一般高級西餐咁,一同上枱,絕無前後腳。而且,上菜嘅流程好順,即喺一道菜接一道菜,唔急,亦唔會隔得太耐。總之,無論食材嘅配搭及用料,服務嘅態度及流程,都予人稱心之感,真喺有着高級西餐廳嘅水平,但只喺百零蚊大眾化嘅價錢
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$129 (午餐)
慶祝紀念
聖誕節
推介美食
Classic Prawn Cocktail with Melba Toast
Lobster Bisque
Christmas Turkey with all the Trimmings
A Vegetarian Christmas
Christmas Pudding with Brandy Sauce
Sherry Trifle