馬哥孛羅咖啡廳

Marco Polo三間酒店基本上是每次家人聚會食buffet的指定地方，今次輪到香港酒店。星期三的晚上全場滿座，聽媽媽說我o地是後補的，竟然平時都旺場。十年如一日不變的自製法飽及pizza，水準比以前差了好多，法飽不是新鮮熱辣、而pizza腍腍的不夠脆口。先講冷盤，壽司唔掂，有點類似是百佳出品、而刺身有三文魚、油甘魚及吞拿魚，三種都勁大勁厚，真係大件夾抵食，同行的日本親戚都覺驚訝。三文魚肥美但無鮮味、吞拿魚最唔掂，肉質唔夠結實、腍pat pat；凍蟹腳、生蠔始終不及洲際。熱盤方面款式算多，基本上以西式主，沒有一款較突出。甜品方面較以往遜色，種類太少，款式不夠特別，完全唔吸引，不過最開心就係有6款雪榚，有兩款自家製，其餘四款是movenpick，可惜雪櫃不夠凍，本身movenpick已好重cream味，因為唔夠硬的關係，口感更加creamy。其實三間之中，呢間算是最好，所以表姨媽專程到訪特別是揀這裡，但係整體上是比以前失晒水準。